Almatyda tuńǵysh ret balalardy tegin saqtandyrýǵa arnalǵan áleýmettik aktsııa bastaldy
ALMATY. 15 qyrkúıek. QazAqparat /Názıra Eleýhan/ - Búgin Almatyda «Sentras Inshýrans» kompanııasy tuńǵysh ret balalardy saqtandyrý boıynsha áleýmettik aktsııany bastady.
Aktsııa búgin, 15 qyrkúıekten bastalyp qarasha aıynyń 30-na deıin jalǵasady.
Osy ýaqyt aralyǵynda nıet bildirýshilerdiń barlyǵy óz balalaryn jazataıym jaǵdaıdan 200 000 teńgege saqtandyra alady. Bunymen qatar, saqtandyrý kelisimin rásimdegen ár adam atalmysh kompanııanyń basqa saqtandyrý baǵdarlamalaryna 15 paıyzdyq jeńildik sertıfıkatyn alady.
"Adamnyń basty qundylyǵy - ómir, densaýlyq jáne balalardyń bolashaǵy. Biraq, ókinishke oraı keıde, oılamaǵan oqıǵalar bolady. Qazirgi zamanaýı álemde medıtsınalyq qyzmet qymbat turady, sondyqtan, jazataıym oqıǵalardan saqtandyrý búkil álemde qoljetimdi jáne úlkender men balalardy senimdi qorǵaýdyń joly bolyp tabylady. Ókinishke oraı, bizdiń elde saqtandyrýdyń bul túri damymaǵan. Batys elderinde saqtandyrýdyń barlyq túrlerine úlken nazar aýdarylady",-deıdi aktsııany uıymdastyrýshylar.
Bunymen qatar, «Sentras Inshýrans» kompanııasy "Eki ese qorǵaý!" aktsııasyn bastamaq. Onyń talaby boıynsha, kólik saqtandyrýdyń mindetti polısin rásimdegen ár kólik aıdaýshy, «Avto-Lımıt» ne «50h50», «90h60h90» baǵdarlamasy boıynsha tegin qorǵaýǵa ıe bolady.
