Almatyda tuńǵysh ret «Alataý» sheberler ortalyǵy ashylady
ALMATY. QazAqparat - 22 naýryz kúni Almaty qalasy ákimdiginiń uıymdastyrýymen «Naýryz meıramy» Astana alańynda jáne Atletıkalyq aýylda toılanady.
Atletıkalyq aýylda ótetin Naýryz meıramy aıasynda Almaty qalasynda tuńǵysh ret Sheberler ortalyǵy ashylady, dep habarlaıdy QazAqparat tilshisi.
Almaty qalasy ákimi baspasóz qyzmetiniń habarlaýynsha, Sheberler ortalyǵy elimizdiń mádenı murasyn saqtaý, damytý jáne nasıhattaý, sheberler qaýymynyń mártebesin jáne ómir súrý deńgeıin joǵarylatý, shyǵarmashylyq damýyna qoldaý kórsetý, jastardy qolónerge baýlý maqsatynda uıymdastyrylyp otyr.
Atalǵan ortalyqta qala turǵyndary men qonaqtaryna qazaq halqynyń salt-dástúrleri men qolóner sheberliginiń túrleri jan-jaqty tanystyrylatyn bolady.
«Kelýshilerge aǵashtan, teriden, bylǵarydan, temirden, keramıkadan, kıizden ár túrli qolóner buıymdaryn jasaý, máselen ulttyq mýzykalyq aspaptar, zergerlik buıymdar jasaý, keste tigý, aǵash oıý, toqyma toqý sııaqty dástúrli qolóner sheberligi usynylyp, sondaı-aq olardyń osy zamanǵa saı damýy kórsetiletin bolady. Sondaı-aq, ortalyqqa kelgen qonaqtar dástúrli qol ónerdiń barlyq túrinen sheberlik synyptarǵa qatysyp, qolóner sheberliginiń negizderin bilýge múmkindik alady. Sheberlik synyptary aıasynda ár sheber ózi meńgergen ónerdi kórsetip qana qoımaı, qolóner sheberliginiń paıda bolýy, mán-maǵynasy, jasalý tehnıkalarynyń erekshelikteri týraly maǵlumat beretin bolady», delingen habarlamada.
Shara aıasynda Almaty qalasynyń eń úzdik qolóner sheberleri óz týyndylaryn usynady. Ortalyq jyl boıy jumys jasamaq.
