Almatyda Tuńǵysh Prezıdent kúnine oraı ulttyq sport túrleri boıynsha jarys ótti
«Tuńǵysh Prezıdent kúni qazir jalpy ulttyq sıpatqa ıe boldy. Osy ıgi merekege oraı, Almaty Memlekettik bıznes-kolledjiniń sport zalynda jasóspirimder arasynda arqan tartý, jal tartys, tumaq urý, jamby atý, toǵyzqumalaq, asyq atý, qolkúres jáne t.b. túrli qyzyqty oıyndar boıynsha jarys uıymdastyryldy. Ondaǵy basty maqsat - jastar arasynda salamatty ómir saltyn nasıhattaý jáne olardyń boıynda otansúıgishtik qasıetterdi damytý», dedi osy sharany uıymdastyrýshy Almaty qalasynyń Almaly aýdandyq ákimdiginiń Mádenıet jáne tilderdi damytý bóliminiń bas mamany Aqsuńqar Ábiltaeva. Jarystardyń qorytyndysy boıynsha jalpykomandalyq esepte Almaty Memlekettik bızness kolledji birinshi orynda jeńip aldy. Ekinshi jáne úshinshi oryndar Professor Rýzýddınovtyń stomatologııalyq kolledji men Almaty Memlekettik medıtsınalyq kolledjiniń enshisine tıdi. Jeńimpazdar baǵaly syılyqtarmen jáne maqtaý gramotalarymen marapattaldy Aıta ketelik, atalǵan sharany ótkizýge «Nur Otan» HDP Almaly aýdany boıynsha fılıaly, Almaty qalalyq Salaýatty ómir saltyn qalyptastyrý ortalyǵy, Almaty qalasy ákimdigi Sport jáne dene shynyqtyrý basqarmasy janyndaǵy «Ulttyq sport túrleri jáne buqaralyq saýyqtyrý, dene shynyqtyrý» klýby qoldaý kórsetken.
