Almatyda tuńǵysh ekologııalyq kólik satatyn dúken ashyldy
ALMATY. QazAqparat - Búgin Almatyda tuńǵysh ekologııalyq kólik satatyn dúken ashyldy. Saýda ornynda qalalyqtarǵa elektroskýterler men elektrovelomopedterdi qoljetimdi baǵamen satyp alýǵa bolady.
Jańa dúkenniń ashylý saltanatyna qatysqan qala ákimi Ahmetjan Esimov ekologııalyq turǵydan taza kólikterdiń birneshe modelderin tanystyrdy.
Qala basshysy mundaı oryndardyń qala turǵyndarynyń densaýlyǵyn saqtaýda jáne salaýatty ómir saltyn qalyptastyrýda mańyzy joǵary ekendigin atap ótti. Onyń aıtýynsha, aýaǵa taraıtyn zııandy zattardyń 80 paıyzy qaladaǵy avtokólikterdiń tútininen shyǵady eken.
«GREENBIKE» kompanııasynyń resmı dıleri elektrokólikteriniń ekotýrızmge, sporttyq baǵyttaǵy modelderin usynyp otyr. Sondaı-aq, olarǵa kórsetiletin qolaıly qyzmet kórsetý syzbasy da oılastyrylǵan.
