Almatyda túngi oıyn-saýyq mekemelerine reıdter jalǵasýda
ALMATY. QazAqparat - Almaty polıtsııasy qaladaǵy qylmystyq ahýaldy ońaltý maqsatynda túngi kóńil kóterý mekemelerin tekserý jumystaryn jalǵastyryp jatyr, dep habarlaıdy QazAqparat tilshisi.
«Búginde qalada qylmystardyń kópshiligi dámhanalar men túngi klýbtardyń mańynda tirkeledi. Osyndaı mekemelerdiń ıeleri zań normalaryn jıi buzady. Olar kámelettik jasqa tolmaǵandarǵa ishimdik satyp, qoǵamdyq oryndarda temeki tartýǵa ruqsat beredi. Kózge jaı nárse kóringenmen, bul olqylyqtyń arty erteń orny tolmas ókinishke soqtyrýy múmkin. Bul túngi oıyn-saýyq mekemeleri ıeleriniń bolashaqta jasalýy yqtımal qylmystyń aldyn alý úshin jaalyp otyrǵan profılaktıkalyq shara», - dedi qalalyq PD jergilikti polıtsııa qyzmeti basqarma basshysynyń mindetin atqarýshy Tórehan Isın.
Aıta ketý kerek, munyń aldynda Almaty polıtsııasy qaladaǵy qylmys jıi bolatyn túngi mekemelerdiń tizimin jasaǵan bolatyn.
Qara tizimde Seıfýllın dańǵylynda ornalasqan «Esperansa» túngi klýby kósh bastap tur. Munda byltyr 300-den astam ret polıtsııa shaqyrtylǵan. 89 qylmys tirkelgen.
