Almatyda túngi klýbtyń aldynda er adam kóz jumdy
ALMATY. QazAqparat – Almatyda túnde Almaly aýdanynda adam ólimi tirkeldi, dep habarlaıdy QazAqparat tilshisi.
Qalalyq polıtsııa departamentiniń habarlaýynsha, úsh adam túngi klýbta ishimdik ishken.
«Úsheýiniń arasyndaǵy sóz daýynyń arty janjalǵa ulasqan. Tóbelestiń artynan 29 jáne 28 jastaǵy er adamdar pyshaq jaraqatyn alǵan. Olardyń biri ókinishke oraı, alǵan jaraqatynan kóz jumdy. 36 jastaǵy kúdikti ustaldy», - dedi polıtsııadan.
Bul derek boıynsha QR QK 99-babynyń 2-bólimimen sotqa deıingi tergeý bastaldy.
