Almatyda túngi klýbtar men kalıan-barlarda júrgen balalar ustaldy
ALMATY. QazAqparat - Almaty polıtsııasy ata-anasynyń qaraýynsyz júrgen jasóspirimderge qatysty reıd júrgizdi, dep habarlaıdy QazAqparat tilshisi.
Qalalyq ІІD baspasóz qyzmetiniń habarlaýynsha, ınspektorlar keıbir jasóspirimderdi túngi klýbtardan, kalıan-barlardan, bazarlardan tapqan.
«Alataý aýdandyq ІІB ınspektorlary bazarda qas qaraıǵansha jumys istep júrgen jastardy tapty. Olardyń kópshiligi syrttan kelgen. Balalardyń ata-analarymen áńgime júrgizildi», - dedi qalalyq ІІD jergilikti polıtsııa qyzmetiniń ıývenaldy polıtsııa bóliminiń basshysy Leıla Álipbaeva.
Qaraýsyz júrgen balalardyń 300 ata-anasy ákimshilik jaýapkershilikke tartyldy.
«Kalıan-bar men túngi klýbtarda erteń sabaqqa barýy tıis jasóspirimder júr. Olardyń eshqaısysynyń qasynda ata-anasy joq», - dedi ınspektor.
Sonymen qatar kompıýterlik klýbtardyń 7 ıesine qatysty ákimshilik is sotqa jiberildi.
Sonymen qatar jasóspirimderge ishimdik satý derekteri de anyqtalǵan.
«Almaly aýdanynda azyq-túlik dúkeniniń satýshysy balanyń jasyn suramastan syra satqan. Dúken qojaıynyna qatysty QR ÁqbK 200-babynyń 1-tarmaǵymen ákimshilik is qozǵaldy», - dedi Leıla Álipbaeva.
Osy tektes quqyqbuzýshylyq úshin 7 adam ákimshilik jazaǵa tartylǵan.
