Almatyda túngi klýb kúzetshisi kisi óltirdi
ALMATY. QazAqparat - Almatyda túngi klýbtardyń birinde kisi ólimi tirkeldi. Atalǵan mekemeniń kúzetshisi mas kúıinde óziniń tanysyn pyshaqtaǵan, dep habarlaıdy QazAqparat tilshisi.
Qalalyq polıtsııa kóńil kóterý ornynyń basshysy, «Gold Lıýks» JShS dırektory Raıymbek Bıqalıevti ákimshilik jaýapkershilikke tartty.
Oǵan QR ÁQbK 493-babynyń 3-bólimimen 50 500 teńge aıyppul salyndy.
«Klýb ıesi kúzetshini jumysqa qabyldaý kezinde selqostyq tanytqany úshin jazalanyp otyr. Bul adam buryn sottalǵan bolyp shyqty. Osylaısha ol kelýshilerdiń qaýipsizdigin qamtamasyz etpek túgili olardyń ómirine qaýip tóndirgen. Sonyń kesirinen adam ólip otyr. Birneshe kún buryn kúzetshi ishimdik iship alyp, óziniń tanysymen janjaldasyp, artynan pyshaqtap tastaǵan. Er adam sol jerde kóz jumdy. Qazir kúdikti ustaldy. Sotqa deıingi tergeý jumystary júrip jatyr», - dedi Bostandyq aýdandyq polıtsııa basqarmasynyń basshysy Dáýren Ýtebaev.
Sonymen qatar, quzyrly organdar atalǵan demalys ornynyń ornalasýynan da zańbuzýshylyqtar tapty.
Bul túngi klýb Іle-Alataýy ulttyq parkiniń terrıtorııasynda, sý aımaǵynda ornalasqan. Klýb ıesi ǵımaratty óz erkimen buzý týraly ótinishti elemegen.
Endi bul ǵımarat sot arqyly májbúrli túrde súriletin bolady.
Munyń aldynda Almaty polıtsııasy qylmys jıi bolatyn dámhanalardyń tizimin jasaǵan bolatyn.
