Almatyda «Túngi qaladaǵy balalar» atty aktsııa ótedi

Almaty qalasy ІІD-niń qoǵamdyq qaýipsizdik basqarmasy bastyǵynyń orynbasary, polkovnık Aıgúl Shópshekbaevanyń aıtýynsha, jasóspirimderdiń qylmystyq máseleleri Memleket basshysynyń jiti nazarynda. «Sondyqtan, bul iske biz úlken jaýapkershilikpen qarap, jasóspirimder arasyndaǵy qylmystyq isterdiń azaıýyna barlyq sharalardy qoldanýdamyz. Osy oraıda, biz 18 men 26 sáýir aralyǵynda «Túngi qaladaǵy balalar» atty aktsııany uıymdastyrýdy josparlap otyrmyz. Onyń maqsaty - balalardy túngi ýaqyttarda oıyn-saýyq mekemelerinde ne bolmasa basqa oryndarda boldyrmaýdy qadaǵalaý jáne kámelet jasqa tolmaǵan jastardyń arasyndaǵy quqyq buzýshylyqtardyń aldyn alý bolyp tabylady», - dedi A.Shópshekbaeva.

Onyń aıtýynsha, qoıylǵan mindetterdi iske asyrýǵa ІІD-niń qyzmeti men barlyq bólimshelerdiń jeke quramdary, bilim, densaýlyq, ata-analar komıteti, «Nur Otan» HDP-nyń jastar qanaty ókilderi, ÚEU-dar tartylatyn bolady.

Aktsııa barysynda oıyn-saýyq, túngi klýb mekemeleriniń basshylary jáne qyzmetkerlerimen kezdesýler, sonymen qatar, kolledj, tehnıkým, 7-11-shi synyp oqýshylarymen jáne olardyń ata-analarymen, sondaı-aq pedagogıkalyq ujymmen kezdesýler ótkizilmek. Onda ár memlekettik organnyń ókilderi men úkimettik emes uıymdar túsindirmelik dárister ótkizip, týyndaǵan suraqtarǵa jaýap beredi.