Almatyda túnde jumys isteıtin restobar anyqtaldy
ALMATY. QazAqparat – Almatyda karantın kezinde qonaqtardy qabyldaǵan restobar anyqtaldy, dep habarlaıdy QazAqparat tilshisi.
Almaty qalalyq PD baspasóz qyzmetiniń málimetinshe, karantın rejımin buzǵan restobar ál-Farabı dańǵylynda ornalasqan. Bardyń 10 qyzmetkeri 12 qonaqqa qyzmet kórsetken.
«Kelýshiler men qyzmetkerlerdiń arasynda eki kámeletke tolmaǵan bala bar. Olardyń biri daıashy bolyp jumys istese, ekinshisi eresek dostarynyń qasynda boldy. Uldar 13 jasta. 22 adamǵa qatysty tótenshe jaǵdaı rejımin buzǵany jáne sanıtarlyq-epıdemıologııalyq normatıvterdi saqtamaǵany úshin QR Ákimshilik quqyq buzýshylyq týraly kodeksiniń 476-babynyń 6-tarmaǵyna sáıkes ákimshilik hattamalar toltyryldy. Al kámeletke tolmaǵan eki balanyń ata-anasy 422-baptyń 2-bóligi boıynsha quqyq buzýshylyq negizinde jaýapqa tartylady. Sonymen qatar, restobar jumysshylarynyń arasynda sheteldik azamattar da bolǵan. Ózbekstannyń úsh azamaty da respýblıkanyń kóshi-qon zańnamasyn buzǵany úshin 517-baptyń 5-tarmaǵy boıynsha ákimshilik jaýapkershilikke tartyldy», – deıdi Almaty qalalyq PD basshysynyń orynbasary Berik Ábilbekov.
Sonymen qatar, ol jaýapqa tartylǵandar arasynda mekemeniń basshysy 1992 jyly týǵan J.esimdi azamattyń da bar ekenin atap ótti.
«Qatysqandardyń eshqaısysy karantın jáne qaýipsizdik sharalary týraly estimegen sııaqty bolyp kórindi. Bul keıbir jaýapsyz azamattardyń paıda tabý maqsatynda qoǵamǵa qaýip tóndiretin túsinbeıtindigi jáne bıznesti densaýlyqtan basymyraq qarastyratyndyǵy alańdatady. Tótenshe jaǵdaılar men karantınde mundaı faktilerge jol berilmeıdi.Kináliler zańǵa sáıkes jazalanady», – dedi Ábilbekov.
