Almatyda túnde jarysqan mototsıkl júrgizýshilerine 11 mln teńge aıyppul salyndy
ALMATY. QazAqparat – Almatyda túnde jarys uıymdastyrǵan mototsıkl júrgizýshilerine 11 mln teńgeden astam aıyppul salyndy, dep habarlaıdy QazAqparat tilshisi.
«Kópshilikti tolǵandyratyn máselelerdiń biri - azamattardyń tynyshtyǵy men demalysyn buzatyn túngi jarys. Osyǵan qaraı, Almaty qalasynda 1 tamyzdan bastap qala joldarynda mototsıkl men jarys uıymdastyratyn kólik júrgizýshilerin anyqtaý boıynsha jedel aldyn alý sharalary júrgizilýde», - deıdi Almaty qalalyq Polıtsııa departamentiniń basshysy Qanat Taımerdenov.
Onyń aıtýynsha, júrgizýshiler mototsıklder men kólikterdiń daýysyn ulǵaıtý úshin qozǵaltqyshtaryna ruqsat etilmegen qurylǵylardy paıdalanady.
«Jol qozǵalysy erejelerin óreskel buzǵany úshin 405 mototsıklıst jáne 320 avtokólik júrgizýshisi ákimshilik jaýapqa tartyldy. 54 mototsıkl arnaıy aıyppul turaǵyna qoıyldy. Salynǵan aıppul somasy 11 mln teńgeden asady. Bul baǵyttaǵy jumystar jalǵasýda», - dep qortyndylady departament basshysy.
