Almatyda túnde jappaı tóbeles boldy
ALMATY. QazAqparat – Bir top jas túnde Almatynyń qaq ortasynda tóbelesti, dep habarlaıdy QazAqparat tilshisi.
Oqys oqıǵa Jeltoqsan kóshesindegi karaoke-bardyń janynda bolǵan. Onyń vıdeosy jelide jarııalandy.
Almaty qalasynyń polıtsııa departamenti vıdeo áleýmettik jelilerge monıtorıng júrgizý kezinde tabylǵanyn málimdedi. Ol týraly buryn eshkim polıtsııaǵa júginbegen, «102» pýltine habarlama túspegen.
«Vıdeo jarııalanǵan soń Bostandyq aýdanynyń polıtsııa basqarmasy QR Qylmystyq kodeksiniń 293-baby («Buzaqylyq») boıynsha sotqa deıingi tergep-tekserýdi bastady. Oqıǵanyń mán-jaıy, oǵan qatysqandar anyqtaldy, fıgýranttardyń áreketine tıisti quqyqtyq baǵa beriledi, odan ári QR zańnamasyna sáıkes shara qoldanylady», - dedi polıtsııadan.
