Almatyda tumaýǵa qarsy vaktsınalaý jumystary erterek bastaldy

ALMATY. QazAqparat – Almaty qalasynyń turǵyndaryn tumaýǵa qarsy ádettegideı qazan aıynda emes, qyrkúıek aıynan vaktsınalaý bastalyp ketti. Onyń sebebin qalalyq sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova óńirlik kommýnıkatsııalar qyzmetiniń brıfınginde aıtty, dep habarlaıdy QazAqparat tilshisi.

Spıkerdiń aıtýynsha, kúz kelip, kún salqyndaýymen Almatyda epıdemıologııalyq mezgil bastalady.

«Almatyda epıdmezgil bastalýyna baılanysty burynǵydaı qazan aıynan emes, endi qyrkúıek aıynan bastap vaktsına alýǵa bolady. Bul múmkindikti nege paıdalanbasqa? Sol sebepti almatylyqtar vakınalanýdy qyrkúıek aıynan bastap ketti. Onyń ústine bizde qazir tumaýǵa qarsy ımmýnıtetti qalyptastyrýǵa jetkilikti ýaqyt bar», - dedi spıker.

Ol sondaı-aq aldaǵy ýaqytta qalada tumaý vırýsymen qatar KVI-dyń aınalymy bolýy múmkin degen boljam bar ekenin aıtty.

«Koronavırýsqa qarsy vaktsınalanýdy jalǵastyrý qajet. Ol qajet jáne vaktsınalar «ólip qalǵandyqtan» olardyń arasyndaǵy ýaqyt aralyǵyn saqtaý qajet emes. ıAǵnı, olardy denege egýge bolady», - dedi Ásel Qalyqova.

Aıta keteıik, búginde Almatyda tumaýǵa qarsy vaktsınanyń 200 myńnan astam dozasy satyp alyndy. Tegin vaktsına birinshi kezekte qarttar men júkti áıelderge, dıspanserlerde em qabyldaıtyn jandarǵa beriledi.

Sondaı-aq balalar úıi men mektep-ınternattaryna da tegin taratylady.