Almatyda tumaýǵa qarsy vaktsınatsııa qashan bastaldy
Bul týraly onlaın brıfıng barysynda Almaty qalasynyń bas memlekettik sanıtar dárigeri Jandarbek Bekshın málim etti.
Onyń aıtynsha, vaktsınatsııa epıdemıologııalyq maýsymda tumaý vırýstaryna qarsy ımmýnıtettiń qalyptasýyn qamtamasyz etedi.
«Emhanalarǵa tumaýǵa qarsy vaktsına áli túsken joq. Qoǵamdyq densaýlyq saqtaý basqarmasy 180 myń doza satyp alýǵa ótinim berdi. Tumaýǵa qarsy vaktsınatsııa 1 qazanda bastalady. Birinshi kezekte, qaýip tobyndaǵy turǵyndarǵa salynady. Vaktsınatsııa bastalǵanǵa deıin epıdemıologııalyq qyzmet emhananyń ýchaskelik qyzmetimen birlesip, aqysyz ekpe jasaý úshin táýekel tobynyń tizimin jasaıdy. Olardyń qataryndaǵylar: sozylmaly aýrýy bar balalar, medıtsına qyzmetkerleri, júkti áıelder, jabyq tıptegi mekemelerdiń medıtsınalyq qyzmetkerleri (balalar úıi, mektep ınternaty, balalarǵa/múgedekterge arnalǵan mektep-ınternattary), qarttar men múgedekter úıleriniń kontıngenti», - dep túsindirdi Jandarbek Bekshın.
