Almatyda tumaýǵa qarsy vaktsınatsııa bastaldy
ALMATY. QazAqparat - Almaty emhanalarynda jyl saıynǵy tumaýǵa qarsy vaktsınatsııa naýqany bastaldy, dep habarlaıdy QazAqparat tilshisi.
400 myńnan astam almatylyq tumaýǵa qarsy vaktsınany aqysyz alatyn bolady. Olardyń ishinde 65 jastan asqan adamdar sany – 264 myń, sozylmaly aýrýy bar turǵyndar – 125 myń, 22 myń bala, 9 myń medıtsına qyzmetkeri, 7 myńnan astam júkti áıel bar.
Vaktsınatsııa 15 qarashada aıaqtalady, osy ýaqyt aralyǵynda almatylyqtar emhanaǵa ózderiniń ýchaskelik dárigerine baryp, aldyn ala jazylý arqyly vaktsına ala alady. Ýchaskelik medbıkeler qaýip tobyndaǵy turǵyndarǵa telefon arqyly habarlasyp, shaqyrady.
«Vaktsınatsııa aldynda ýchaskelik dárigerdiń mindeti – kelgen turǵynnyń densaýlyǵyn, respıratorlyq aýrý belgilerin jáne COVID-19 vırýsymen aýyrǵan naýqaspen baılanysy bolǵanyn nemese bolmaǵanyn, temperatýranyń qalypty bolýyn tekseredi. 10 qyrkúıekte vaktsınatsııa 185 adamǵa jasaldy, onyń ishinde 60 jastan asqan qart adamdar sany – 40, 100 medıtsına qyzmetkeri, 25 sozylmaly aýrýlary bar bala men 20 eresek azamat bar. Birinshi kúni vaktsınany medıtsına qyzmetkerlerine salýǵa tyrystyq», – dedi №11 qalalyq emhananyń dáriger-epıdemıology Kamar Qaıratbek.
Tumaýǵa qarsy vaktsına aýrýǵa qarsy ımmýnıtetti qalyptastyrýǵa jáne asqynýlardyń aldyn alýǵa yqpal etedi. Vaktsına egilgennen keıin dárigerler standartty saqtyq sharalaryn saqtaýǵa keńes beredi. ıAǵnı, ıne salǵan oryndy jaraqattap almaýǵa, uıqy rejımin saqtaýǵa, allergııalyq reaktsııa týdyrýy múmkin taǵamdardy paıdalanýǵa bolmaıdy.
«Vaktsına jetkilikti mólsherde satyp alyndy. Ýchaskelik medbıkeler turǵyndardy vaktsına alýǵa keste boıynsha shaqyrady. Vaktsınatsııa bastalǵanǵa deıin epıdemıologııalyq qyzmet emhananyń ýchaskelik qyzmetimen birlesip, aqysyz ekpe jasaý úshin táýekel tobynyń tizimin jasady. Olardyń qatarynda sozylmaly aýrýy bar balalar sany – 833, eresekter–1999, medıtsına qyzmetkerleri – 332, júkti áıelder – 152, jabyq tıptegi mekemelerdiń medıtsınalyq qyzmetkerleri (balalar úıi, mektep ınternaty, balalarǵa/múgedekterge arnalǵan mektep-ınternattary) – 11 adam, qarttar men múgedekter úıleriniń kontıngenti – 2, 60 jastan asqan qarttardan - 2012 adam» – dedi Kamar Qaıratbek.
Tumaý vırýsy úzdiksiz genetıkalyq jáne antıgendik ózgeristerge ushyraıtyndyqtan, DDSU jylyna eki ret vaktsınanyń quramy týraly usynystaryn jańartady.
Aıta ketý kerek, ımmýndaý jumystary boıynsha Qazaqstan Respýblıkasynyń Ulttyq egý kúntizbesine sáıkes, Almaty qalasynyń barlyq medıtsınalyq uıymdarynda jalǵasýda.
