Almatyda tumaýǵa qarsy 50 000 doza ekpe satyp alyndy
ALMATY. QazAqparat - Almaty bıligi bıylǵy epıdemıologııalyq maýsymda túrli juqpaly aýrýlarmen jan-jaqty kúresip jatyr, dep habarlaıdy QazAqparat.
Mamandardyń aıtýynsha, DDSU málimetine sáıkes bıylǵy epıdemıologııalyq maýsymda úsh vırýs shtammy - A/Michigan/45/2015 (H1N1) pdm09 tıpi, A/HongKong/4801/2014 (H3N2) tıpi, B/Brisbane/60/2008 tıpi ózekti bolady.
Qalalyq qoǵam densaýlyǵyn qorǵaý departamenti epıdemıologııalyq bóliminiń bas mamany Vladımır ıÝsýpovtyń aıtýynsha, bıyl qalada 50 000 doza ekpe satylyp alynǵan.
«Jergilikti bıýdjet qarjysyna ımmýnızatsııa jumystary úshin «Grıppol plıýs» ekpesi satylyp alyndy. Jaqyn arada qosymsha taǵy 50 000 doza ekpe satylyp alynady. Bul qaýip tobyna kiretin tulǵalar úshin alyndy. Al basqa tulǵalar aqyly túrde emhanalardan ekpe ala alady», - dedi Vladımır ıÝsýpov.
Jyl saıyn Almatyda qaýip tónip turǵan adamdar, atap aıtqanda, júkti áıelder, 6 aıdan asqan jıi aýyratyn balalar, balalar úıiniń, qarttar úıiniń kontıngenti, medıtsınalyq qyzmetkerler, múgedek adamdar tegin ekpe qabyldaıdy. Bul aýrýdyń jappaı taralýyna kedergi bolady.
Ekpe jumystary 30 qazanǵa deıin jalǵasady.
Mamannyń aıtýynsha, qazirgi tańda qalada epıdemıologııalyq ahýal turaqty.
