Almatyda tumaýǵa qarsy 184 myńnan astam adam vaktsınalandy
Departamentte habarlaǵandaı, Almaty qalasynda aǵymdaǵy epıdemıologııalyq maýsym bastalǵaly beri tumaýmen syrqattanýdyń jańa 51 jaǵdaıy tirkeldi. Sondaı-aq, JRVI-men syrqattanýdyń 41,8% balalarǵa tıesili bolyp shyqty.
Qalada táýekel tobyndaǵy adamdardy vaktsınalaý 2021 jyldyń qyrkúıek aıynan bastaldy. Táýekel tobynyń quramyna medıtsına qyzmetkerleri, medıtsınalyq uıymdarda dıspanserlik esepte turǵan balalar, balalar úıleriniń, sábıler úıleriniń balalary, qarttar úıleriniń kontıngenti, QR Úkimetiniń 2020 jyldyń jeltoqsan aıyndaǵy №612 qaýlysyna sáıkes epıdemıologııalyq kórsetkishter boıynsha adamdar kirdi.
Megapolıste tumaýǵa qarsy 184 myńnan astam adam vaktsınalandy. Onyń ishinde jergilikti bıýdjet esebinen táýekel toptarynan – 170 926 adam jáne aqyly negizde jumys berýshilerdiń qarajatyna jeke medıtsınalyq ortalyqtarda – 10 260 adam jáne óz qarajatyna – 2973 adam vaktsınalandy.
Koronavırýstyq ınfektsııamen syrqattanýshylyq boıynsha sozylmaly aýrýlary bar adamdar, epıdemıologııalyq kórsetkishter boıynsha adamdar tobyna engizilgen mektep-ınternattardyń balalary da vaktsınalaýǵa jatqyzyldy.
Tumaýdyń spetsıfıkalyq
profılaktıkasyn júrgizý maqsatynda ótken jyly jergilikti bıýdjet qarajatynan táýekel tobyndaǵy adamdardy ımmýndaý úshin «Grıppol plıýs» vaktsınasynyń jalpy 170 926 dozasy satyp alyndy.
Qazirgi ýaqytta qalada H3N2 tıpti tumaý vırýsy taralýda. Sonymen birge, qalada JRVI vırýstary, mysaly, MS vırýsy, adenovırýs, rınovırýs jáne koronavırýs aınalymda.
Osyǵan baılanysty Almaty qalasynyń sanıtarııalyq-epıdemıologııalyq baqylaý departamenti qala turǵyndaryn JRVI, tumaýǵa qarsy spetsıfıkalyq emes aldyn alýdyń jalpy sharalaryn saqtaýǵa shaqyrdy.
«- JRVI-men aýyratyn naýqastarmen janasýdan aýlaq bolyńyz. Eger baılanys sózsiz bolsa, onda maska kıip, oksolın maıyn qoldanyńyz;
- aýrý bolǵan jaǵdaıda úıde bolý, ózin-ózi emdeýmen aınalyspaý, medıtsına qyzmetkerin shaqyryp, otbasy ortasynda nemese ujymda bolǵan kezde maska kııý, dárigerdiń taǵaıyndaýy boıynsha em alý qajet;
- túshkirý jáne jótel kezinde aýzyńyzdy qolyńyzben, maılyqpen, sharfpen jaýyp, qolyńyzdy múmkindiginshe jıi jýyńyz;
- ımmýndyq júıeni arttyrý: S vıtamınin jáne dárigerdiń usynysy boıynsha basqa dári dárimekterdi qoldaný;
- qashyqtyqty saqtaý, buqaralyq is-sharalarǵa qatysýdy qysqartý, ásirese JRVI, tumaý aýrýynyń kóterilýi kezeńinde, úı-jaılardy ylǵaldy jınaý júrgizýmen jeldetý;
- aýrý balalardy mektepterge, mektepke deıingi balalar mekemelerine jibermeý.
Osy qarapaıym erejelerdi saqtaý tumaý men JRVI-diń aldyn alýǵa kómektesedi», - dep eskertti qalalyq sanıtarııalyq-epıdemıologııalyq baqylaý departamenti.
Aıta keteıik, jedel respıratorlyq vırýstyq ınfektsııalar (JRVI) – ártúrli respıratorlyq vırýstar — adenovırýs, koronavırýs, rınovırýs, paraınflýa vırýsy, tynys alýdyń sıntsıtıaldy vırýsy jáne basqa vırýstar týdyratyn juqpaly aýrýlardyń jalpy ataýy.
Infektsııa aýa tamshylarymen juǵady: jótelgende, túshkirgende, qarym-qatynasta, sondaı-aq baılanys arqyly: jalpy ydys-aıaqtardy, súlgilerdi, jýylmaǵan qoldar arqyly qoldanǵan kezde. Tumaý vırýsy JRVI tobyna da kiredi.