Almatyda tumaýǵa baılanysty shekteýler bola ma
ALMATY. QazAqparat - Almaty qalasynyń bas memlekettik sanıtarııa dárigeri Jandarbek Bekshın onlaın brıfıng barysynda qalada tumaýǵa baılanysty qandaı shekteýler engiziletinin aıtty, dep habarlaıdy QazAqparat tilshisi.
«Bizdiń mindetimiz – karantındi boldyrmaý. Bizde tumaýǵa baılanysty karantın bolǵan emes. Biraq, shekteý sharalary engizilýi múmkin. Tumaý órshıtin bolsa, mektep, balabaqsha men kásiporyndarǵa shekteý sharalary qoldanylady «, - dedi Jandarbek Bekshın brıfıngide.
Ol tumaý men koronavırýstyń profılaktıka sharalarynyń birdeı ekenin atap ótti.
«Eger sanıtarlyq talaptardy saqtap, ony durys oryndasaq, onda biz tumaýdyń kúrt ósýine jol bermeımiz», - dedi ol.
