Almatyda tumaý men JRVI órshıtin kezeń belgili boldy

ALMATY. QazAqparat – Almaty qalasynyń taýarlarmen kórsetiletin qyzmetterdiń qaýipsizdigin baqylaý departamenti qazirgi ýaqytta qalada jedel respıratorlyq ınfektsııalar boıynsha epıdemıologııalyq ahýal turaqty ekenin málim etti, dep habarlaıdy QazAqparat tilshisi.

Departamenttiń málimetinshe, ótken aptada qala boıynsha JRVI aýrýyna qatysty 1 219 jaǵdaı tirkeldi, 100 myń turǵynǵa shaqqandaǵy kórsetkishi - 62-ni quraıdy, bul aldyńǵy aptadaǵy kórsetkishten 25% tómen jáne ótken jyldyń osy kezeńimen salystyrǵanda aýrýshańdyq 21% paıyzǵa joǵary. Qazirgi ýaqytta tumaý jaǵdaılary tirkelgen joq.

Dúnıejúzilik densaýlyq saqtaý uıymynyń boljamy boıynsha 2020-2021jj kúz-qys maýsymynda tumaýdyń A tıpti A/Guangdong-Maonan/SWL1536/2019 (H1N1) pdm09, A/Hong Kong/2671/2019 (H3N2), jáne B tıpti B/Washington/02/2019 (B/Victoria lineage), B/Phuket/3073/2013 (B/Yamagata lineage) shtamdary aınalymda bolady. Bul shtamdardyń antıgenderi dúnıejúzilik densaýlyq saqtaý uıymynyń usynysymen tumaýǵa qarsy vakınalardyń quramyna engizilgen.

Jyl saıyn epıdemıologııalyq maýsymnyń aldynda respýblıka kóleminde, sonyń ishinde Almaty qalasynda osal toptaǵy (medıtsına qyzmetkerleri, balalar úıi men mektep-ınternattaǵy balalar, ımmýn jetispeýshiligi, álsiz jáne jıi aýyratyn jasy 6 aıdan asqan balalar, qarttar jáne múgedekter úıindegi kontıngetter, júkti áıelderdi) tumaýǵa qarsy egý júrgiziledi.

Bıyl jergilikti ákimshiliktiń qarajatyna osal toptaǵy adamdardy tumaýǵa qarsy egýge 130 myń doza kóleminde úsh valentti Reseıde óndirilgen Grıppol plıýs vaktsınasy satyp alyndy.

Qalada osal toptaǵy adamdardy tumaýǵa qarsy egý 15 qyrkúıekten bastalady jáne ekpe jumystary 30 qarashaǵa deıin júrgiziledi. Egýden keıin ımmýnıtet 14 kúnnen keıin qalyptasady jáne tumaý maýsymynyń aıaǵyna deıin saqtalady.

Qalalyq epıdemıologııalyq qyzmettiń boljamyna sáıkes, qarasha aıynyń sońynan bastap JRVI men tumaýdyń kóbeıetini boljanyp otyr, aýrýdyń sharyqtaý shegi 2021 jyldyń birinshi toqsanynda bolady.

Qala turǵyndary arasynda JRVI, tumaýdyń aldyn alý jáne epıdemıologııalyq jaǵdaıdy qalyptastyrý maqsatynda qalada kerekti uıydastyrý, ádistemelik kómek kórsetý jumystary tolyq júrgizilýde.