Almatyda tumannyń kesirinen áýe reısteri kesh ushyrylyp jatyr
ALMATY. QazAqparat – Búgin tumannan joldyń nashar kórinýine baılanysty Almaty halyqaralyq áýejaıynda eki reıs keshiktirildi. Bul týraly áýejaıdyń baspasóz qyzmeti málim etti, dep habarlaıdy QazAqparat tilshisi.
«Saǵat 8:20-da ushýy tıis bolǵan «ıÝjnyı veter» áýe kompanııasynyń 3101 Almaty-Balqash reısi saǵat 10:02-de ushty. Sondaı-aq, saǵat 8:40-ta ushýy tıis bolǵan 821 Almaty-Máskeý reısi saǵat 9:47-de ushty»,- delinedi áýejaı habarlamasynda.
Eske salsaq, Qazgıdromet búgin Almaty qalasynda aýa raıy bultty, túnde jańbyr jaýatynyn málimdedi. Sondaı-aq, túnde jáne tańerteń tuman túsýi múmkin ekenin habarlaǵan bolatyn.
