Almatyda «Tulpar-Talgo» poıyzynyń vagonynda órt shyqty

ALMATY. QazAqparat - Almatyda depoda toqtap turǵan kezde «Tulpar-Talgo» poıyzynyń vagonynda órt shyqty, dep habarlady oqıǵa ornynan «QazAqparat» HAA tilshisi. Oqıǵa poıyz «Almaty-2» stansasyna kelip, jolaýshylardy túsirip, júk keden beketi ornalasqan depo aýmaǵyna kirgen kezde oryn alǵan.

Jalyn sońǵy vagonnyń tehnıkalyq bóliginen shyqty. Qysqa merzimde jetken órt sóndirýshiler órtti aýyzdyqtady. Qurbandar men zardap shkkender joq.

«Patent Talgo» JShS kompanııasynda poıyzdyń bos bolǵanyn, órtti jedel túrde aýyzdyqtaǵanyn rastady. Kóliktegi ІІD jaǵdaıdyń mán-jaıyn  keıinirek aıtýǵa ýáde berdi.