Almatyda túlekter úshin qymbat kólik jaldaýǵa tyıym salyndy
ALMATY. QazAqparat – Almaty qalalyq Bilim basqarmasynyń basshysy Lázzat Jylqybaeva mektep túlekteri úshin mereke uıymdastyrýǵa qatysty tyıymdardy aıtty, dep habarlaıdy QazAqparat tilshisi.
Atap ótilgendeı, mektepti aıaqtaýǵa baılanysty túrli is-sharalar uıymdastyrýǵa jol berilmeıdi. Máselen, anımatorlar, merekelik agenttikter men jeke stýdııalardyń qyzmetin tartýǵa, keshti saltanatty túrde ótkizýge, asta-tók dastarhan jaıýǵa, qymbat kólik jaldaýǵa tyıym salynady.
«Sonymen qatar, mekteptegi is-sharalarǵa qarajat jınaýǵa jol berilmeıdi», - dedi Lázzat Jylqybaeva onlaın-brıfıng barysynda.
Buǵan deıin qala ákimdigi sońǵy qońyraý qalaı ótetini týraly aıtqan bolatyn.
