Almatyda tuqym qýalaıtyn júıke-bulshyqet aýrýlarynyń aldyn alý máselesi talqylandy

ALMATY. QazAqparat- Almatydaǵy №2 qalalyq balalar klınıkalyq aýrýhanasynda «Orfandyq júıke-bulshyqet patologııasy bar patsıentterdi jeldetip ventılıatsııalyq qamtamasyz etý» taqyrybynda semınar ótti, dep habarlaıdy QazAqparat tilshisi.

Semınar tek oqytý, emdeýge ǵana emes, sonymen qatar naýqastardy ońaltýǵa da arnaldy.

Anestezıolog-reanımatolog, balalar nevrology men pýlmonolog dárigerlerge arnalǵan semınar QR Densaýlyq saqtaý mınıstrligi, Júıke-bulshyqet aýrýlarynyń kópsalaly quzyrettilik ortalyǵy, Astana medıtsına ýnıversıteti, Qazaqstan-Reseı medıtsınalyq ýnıversıteti, №2 qalalyq balalar klınıkalyq aýrýhanasy, «Ómirge Sen» qoǵamdyq qory jáne «Balalar nevrologtary, neırofızıologtar, psıhıatrlar men psıhoterapevter» qoǵamymen birigip uıymdastyrldy.

Reseıden arnaıy Morozov atyndaǵy balalar klınıkalyq aýrýhanasynyń anestezıologııa jáne reanımatsııa jónindegi bas dárigeriniń orynbasary, medıtsına ǵylymdarynyń kandıdaty, Aleksandr Nıkolıshın shaqyrtyldy.

Ol Qazaqstan jáne Reseı dárigerleri bizdiń medıtsınanyń joǵary tehnologııalar men zamanaýı kómek kórsetý ádisterine qol jetkizýi úshin qoldan kelgenniń bárin jasap jatqanyn atap ótti.

Tuqym qýalaıtyn júıke-bulshyqet aýrýlary (TQJBA) genetıkalyq aýrýlardyń úlken toby. Olar asqynýlarymen qaýipti, naýqastarda ómir súrý sapasy men uzaqtyǵy tómendeıdi, ólim deńgeıi joǵary.

Sondyqtan mundaı patsıentterdi basqarýdyń eń tıimdi ádisi mýltıdıstsıplınarlyq qoldaý bolyp tabylady. Tynys alýdy qamtamasyz etý – TQJBA bar naýqastardy emdeý men ońaltýdyń negizgi baǵyttarynyń biri.

Semınardy barysynda otandyq mamandar, pýlmonologtar teorııalyq bilim men tájirıbelik daǵdylarǵa ıe boldy.

Árbir sessııa pikirtalas jáne talqylaýmen ótti, eń bastysy, dárigerler julyn bulshyqetiniń atrofııasy bar patsıenttyń mysalynda tynys alýdy qoldaý jáne qosalqy jeldetý apparatyn qoldandy.