Almatyda tuqym qýalaıtyn patologııanyń ózekti problemalary týraly ǵylymı-tájirıbelik konferentsııa ótip jatyr
ALMATY. 17 mamyr. QazAqparat - Búgin Almatyda «Bet-jaq tusyndaǵy týa bitken jáne tuqym qýalaıtyn patologııanyń Qazaqstandaǵy ózekti problemalary. Stomatologııadaǵy ınnovatsııalar» dep atalatyn respýblıkalyq ǵylymı-tájirıbelik konferentsııa bastaldy.
Tuqym qýalaıtyn patalogııanyń ózekti máselelerin talqylaýǵa arnalǵan bul shara mamandardyń aıtýynsha, Qazaqstanda alǵash ret uıymdastyrylyp otyr. Oǵan QR Densaýlyq saqtaý mınıstrligi uıytqy bolýda.
Halyqaralyq sarapshylardyń qatysýymen Sanjar Asfendııarov atyndaǵy Qazaq ulttyq medıtsına ýnıversıtetinde ótip jatqan bul alqaly jıyn eki kúnge sozylady. Onda alǵashqy kúni «Bet-jaq tusyndaǵy týa bitken jáne tuqym qýalaıtyn patologııasy bar naýqastarǵa medıtsınalyq-áleýmettik kómek kórsetý problemalary jáne jaǵdaıy» degen taqyrypta plenarlyq otyrys bolady. Al erteń aýrýdyń profılaktıkasy, dıagnostıkalaý jáne emdeýdiń ońtaıly ádisteri jóninde pikirtalas ótedi. Sondaı-aq talqylaýdan keıin arnaıy konferentsııa qararynyń jobasy qabyldanady dep josparlanyp otyr.
