Almatyda «Týǵan tilim - tiregim» festıvali ótýde

dep habarlaıdy QazAqparat.

Festıvalda ár fakýltettiń stýdentteri orys, káris, qyrǵyz, túrik, japon, qytaı, uıǵyr, pákistan, frantsýz, aǵylshyn, arab, ýkraın ulttarynyń tilinde sóılep, sol ulttyń salt-dástúrin pash etýde.

«Búgingi tańda eńbek naryǵynyń suranysyna sáıkes bolý úshin jáne túlekterimizdiń básekege qabilettiligin arttyrý maqsatynda jasalyp jatqan osyndaı ıgi sharalardyń mańyzy zor», deıdi QazUÝ-dyń Tilderdi damytý bóliminiń bastyǵy Nazym Tóleeva.

Atalmysh shara qyrkúıektiń 16-22-si aralyǵynda ýnıversıtettiń barlyq fakýltetinde ótkilgen "Týǵan tilim - tiregim" atty til festıvaliniń qorytyndysy bolyp tabylady. Merekege oraı barlyq fakýltette qabyrǵa gazetteri daıyndalyp, til taqyrybynda ártúrli is-sharalar ótkizilgen.

«Ózge tildiń bárin bil, óz tilińdi qurmette!» pikirsaıysy barysynda birneshe tildi jetik meńgergen stýdentter «Qazaqstandaǵy til saıasaty» taqyrybynda sóz jarystyrǵan. Poezııada qalamyn ushtap júrgen stýdentter «Ana tili - ardyń tili» jyr saıysynda til taqyrybyna arnalǵan týyndylarymen tanystyrsa, «Koreıskıı ıazyk v pleıade ıazykov narodov Kazahstana» atty dóńgelek ústelde Qazaqstandaǵy ózge ult tiliniń jaı-kúıi baıandalǵan.

Sondaı-aq «Meniń Otanym - Qazaqstan» atty taqyrypta esse jazý baıqaýy, taqyryptyq ashyq sabaqtar, «Memlekettik til - aıbynym meniń» atty ádebı kesh, «Qazaq tili - qyzmettik til» taqyrybynda debat, «Tilge - qurmet, elge - qurmet!» atty merekelik kesh, ózge ult stýdentteriniń arasynda qazaq tilinde vıktorına, óleń oqý saıysy, «Qazaq tilin bilý qazaqstandyq patrıotızmniń belgisi» atty dóńgelek ústel jáne taǵy basqa sharalar uıymdastyrylǵan.