Almatyda týberkýlezben syrqattaný deńgeıi qandaı
ALMATY. QazAqparat – Almatyda sońǵy 5 jyl ishinde týberkýlez aýrýynyń kórsetkishi 42,8% tómendegen. Bul týraly Almaty qalasy «Ftızıopýlmonologııa ortalyǵy» kommýnaldyq memlekettik kásipornynyń dırektory Janar Sápıeva onlaın brıfıng kezinde aıtty, dep habarlaıdy QazAqparat tilshisi.
Onyń aıtýynsha, týberkýlezden bolatyn ólim-jitim - 68,7%, taralýy - 48,7, balalar arasynda syrqattanýshylyq 55,7% tómendedi.
Týberkýlezdiń bakterııa bólýsiz túrimen aýyratyn naýqastardy ambýlatorııalyq emdeý keńeıtildi. 2020 jyly bastapqy medıtsınalyq-sanıtarlyq kómek kórsetý mekemeleriniń jaǵdaıynda bakterııa bólmeıtin alǵashqy ambýlatorııalyq emdeýmen qamtý 73,2% qurady.
«Týberkýlezben aýyratyn naýqastardy emdeýge baǵyttalǵan emdelýshiler sátti júrgizilip jatyr. Beınebaqylaý emi ádisimen týberkýlezben aýyratyn 338 naýqas emdeýdi aıaqtady (65,0%); jeke avtokólik bóline otyryp 7 mobıldi top uıymdastyrylyp, 2020 jyly 1117 adam em aldy.
FO bazasy pandemııa kezeńinde 300 provızorlyq tósek-oryn jáne 250 ınfektsııalyq tósek-orynǵa keńeıtildi. 2020 jyl 10 qyrqúıekke deıin koronavırýstan 1333 naýqas jáne 848 naýqas provızorlyq bólimsheden emdelip shyqty. Byltyr koronavırýs+týberkýlez dıagnozy 5 adamǵa qoıyldy.
Bıyl qosarlanǵan dıagnoz 3 adamǵa qoıyldy», - dedi Janna Sápıeva.
Bıyldan bastap ortalyqtaǵy 200 oryn juqpaly aýrýlar bólimshesine qaıta beıimdeldi. Osy ýaqyttan beri statsıonarǵa 566 naýqas túsip, 445 patsıent shyqty.
