Almatyda «Týberkýlez aýrýy taqyrybynyń BAQ-ta kórinis tabýy» atty jas jýrnalıster arasynda trenıng ótti
ALMATY. Naýryzdyń 16-sy. QazAqparat /Ádilet Musahaev/ - Almatyda naýryzdyń 15-16-sy aralyǵynda AQSh Halyqaralyq damý agenttiginiń (USAID) qarjylandyrýymen «Aýtrıj densaýlyq qorǵany» baǵdarlamasy aıasynda jas jýrnalıster arasynda trenıng ótti,
dep habarlaıdy QazAqparat.
Atalmysh shara Dúnıejúzilik týberkýlezben kúres kúnine arnalǵan. Buqarany týberkýlez, AQTQ jaıynda aqparattandyrýda jýrnalısterdiń róli erekshe. Sondyqtan trenıng barysynda arnaıy mamandar atalmysh aýrýdyń taralýy, onyń aldyn alý jaıynda tolyq maǵlumat berip, sol taqyrypta maqala jazǵanda qandaı termındik sózderdi paıdalaný kerektigi men halyqty durys aqparattandyrý jóninde keńes berdi.
Sondaı-aq is-shara aıasynda jas jýrnalısterge týberkýlezge baılanysty túsirilgen rolıkter kórsetilip, onyń kemshin tustary men utymdy jerleri talqylqylandy.
Trenıngti júrgizýshi Marına Maksımovanyń aıtýynsha, halyqqa jıi ári tolyq maǵlumat berý arqyly atalmysh aýrýdyń órshýin toqtatýǵa bolady. «Elimizde jurtshylyqtyń kóbi densaýlyǵyna nemquraıdylyq tanytady. Ábden aýrýdy asqyndyryp alǵan soń ǵana dárigerge júginedi. Sondyqtan olardy durys aqparttandyrý qajet. Al aýrýdyń osy túrinen tolyqqandy maǵlumat alǵan jýrnalısterdiń materıaldary da tushymdy bolmaq», deıdi M.Maksımova.
Eki kúnge jalǵasqan trenıngke Óskemen, Qaraǵandy jáne Temirtaý qalalarynan da jýrnalıster qatysty.
