Almatyda trotýarda kele jatqan 2 áıeldi qaqqan kólik oqıǵasy tekserilip jatyr
ALMATY. QazAqparat- Almatyda Hyundai júrgizýshisi trotýarda eki áıeldi qaǵyp ketti, dep habarlaıdy QazAqparat tilshisi.
Bul týraly aqparat áleýmettik jelide paıda boldy.
Jeli qoldanýshynyń aıtýynsha, oqıǵa 1 maýsym kúni keshki saǵat 18.15-te «Altyn orda» turǵyn úıiniń mańynda Hodjanov kóshesiniń boıynda onyń áıeli men áriptesin kólik qaǵyp ketken.
«Olar joldyń shetindegi trotýarda kele jatqan. Olardy aq tústi Hyundai kóligi kelip soqqan. Bireýi birneshe metr jerge ushyp ketti, ekinshisi dýal men kóliktiń ortasynda qysylyp qalǵan»,- dedi jazba avtory.
Almaty polıtsııa departamenti basshysynyń orynbasary Rýstam Ábdirahmanov oqıǵanyń mán-jaıyn Bostandyq aýdandyq PB tekserip jatqanyn málim etti.
«Buǵan deıin zardap shekkenderdiń densaýlyǵyna keltirilgen zııannyń aýyrlyǵyn anyqtaý úshin barlyq qajet saraptamalyq zertteý taǵaıyndalǵan bolatyn. Zertteý nátıjeleri áli shyqqan joq» , - dedi Rýstam Ábdirahmanov.
Polıtsııa basshysynyń orynbasarynyń aıtýynsha, bul derek boıynsha túpkilikti protsessýaldyq sheshim qabyldanǵan joq.
