Almatyda trolleıbýstar kesirinen kólik keptelisi paıda boldy
ALMATY. QazAqparat – Almatyda elektr jelisinde bolǵan apattan qaladaǵy trolleıbýstardyń basym kópshiligi qozǵalyssyz qaldy, dep habarlaıdy QazAqparat tilshisi.
«Almatyelektrotrans» JShS habarlaǵandaı, S.Seıfýllın kóshesinde Raıymbek dańǵylynan Úlken Almaty kanalyna deıin elektr kerneýi ajyrap qalǵan.
Osyǵan baılanysty 6 qarashada ońtústik baǵyttaǵy qozǵalys toqtap qaldy.
T.Rysqulov kóshesinen tómen qaraı birneshe shaqyrymǵa sozylǵan keptelis paıda boldy.
«Trolleıbýstar qysqyshtan shyǵyp ketkendikten, jeli kerneýsiz qalǵan. Qazir qalpyna keltirip jatyrmyz. Qolaısyzdyqtar úshin keshirim suraımyz», - dedi mekemeden.
