Almatyda trolleıbýsqa jabysyp alǵan adam jaýapsyz qalmaıdy - polıtsııa

ALMATY. QazAqparat – Almatyda trolleıbýstyń artqy bóligine jabysyp alǵan adam kópshilikti tańqaldyrdy, dep habarlaıdy QazAqparat tilshisi.

Vıdeo Іnstagram jelisindegi paraqshalardyń birinde jarııalanǵan.

Polıtsııa bul derekke qatysty túsinikteme berdi.

«Mundaı áreketter - jol qozǵalysy erejesin óreskel buzý sanalady. Ol quqyqbuzýshynyń ózine ǵana emes, jol qozǵalysynyń basqa da qatysýshylaryna qaýip tóndiredi. Bul – durys tendentsııa emes. Polıtsııa ondaı basbuzarlyqqa jol berip qoıa almaıdy. Jaqyn arada osy derek boıynsha shara qabyldanyp, ekstremal jaýapkershilikke tartylady», - dedi Almaty polıtsııa departamentiniń resmı ókili Saltanat Ázirbek.

Biz osyǵan deıin Almaty turǵyny avtobýstyń artqy jaǵyna jarmasyp júrgenin jazǵan bolatynbyz.