Almatyda trolleıbýs jerasty ótkeline soǵyldy: zardap shekkenderdiń sany anyqtaldy
ALMATY. QazAqparat - Almatyda jerasty ótkeline soǵylǵan trolleıbýsqa qatysty oqıǵanyń mán-jaıy belgili boldy, dep habarlaıdy QazAqparat tilshisi.
Qoǵamdyq densaýlyq saqtaý basqarmasynyń málimetinshe, oqıǵa ornynan jeti adam emes, tórt adam №4 qalalyq klınıkalyq aýrýhanaǵa jetkizildi.
«Tekserýden keıin olardyń úsheýi bekitilgen jerdegi emhanaǵa ambýlatorlyq emdelýge jiberildi. Jaraqat alǵandardyń biri mamandandyrylǵan bólimge jatqyzyldy», - dep habarlady qalalyq Qoǵamdyq densaýlyq saqtaý basqarmasynan.
Eske salaıyq, 21 tamyz kúni shamamen saǵat 14:50-de Baızaqov kóshesinen keıin, batys baǵytynda Abaı dańǵylynyń boıynda jol-kólik oqıǵasy oryn aldy. BN 1240 trolleıbýsynyń júrgizýshisi qysqa ǵana ýaqyttyń ishinde ózin jaısyz sezinip, sonyń saldarynan rýlge ıe bola almaı qalǵan. Saldarynan qoǵamdyq kólik ótkeliniń qabyrǵasyna soǵylǵan.
Bul fakti polıtsııa departamentinde tirkelgen, mán-jaıdy anyqtaý is-sharalary júrgizilip jatyr.
