Almatyda trolleıbýs jerasty ótkeline soǵyldy, zardap shekkender bar
NUR-SULTAN. QazAqparat – Almatyda, Abaı dańǵylynyń boıynda trolleıbýs jerasty ótkeline soǵyldy, dep habarlaıdy QazAqparat tilshisi.
Jol-kólik oqıǵasy jaıynda áleýmettik jeli paıdalanýshylary aqparat taratyp, oqıǵa ornynan túsirilgen sýrettermen bólisti. Al Facebook áleýmettik jelisinde Olga Brajnıkova jol-kólik oqıǵasy saldarynan nemeresiniń zardap shekkenin jazdy.
Almaty Electrotrans kompanııasy da oqıǵaǵa qatysty málimetpen bólisti.
«21 tamyz kúni shamamen saǵat 14:50-de Baızaqov kóshesinen keıin, batys baǵytynda Abaı dańǵylynyń boıynda jol-kólik oqıǵasy oryn aldy. BN 1240 trolleıbýsynyń júrgizýshisi qysqa ǵana ýaqyttyń ishinde ózin jaısyz sezinip, sonyń saldarynan rýlge ıe bola almaı qalǵan jáne jer asty ótkeliniń qabyrǵasyna soǵylǵan. Bul fakti polıtsııa departamentinde tirkelgen, mán-jaıdy anyqtaý is-sharalary júrgizilip jatyr», - dep atap ótedi kompanııadan.
