Almatyda trolleıbýs jelisin jóndeý jumysynda zań buzýshylyqtar anyqtaldy
ALMATY. QazAqparat – Almatyda trolleıbýs jelilerin jóndegen merdiger kompanııa birqatar buzýshylyqqa jol bergen, dep habarlaıdy QazAqparat tilshisi.
Almaty ákiminiń qala kóshelerine jóndeıtin merdigerlerge qoıylatyn talapty kúsheıtý jáne jol sapasyn arttyrý týraly tapsyrmasy aıasynda Qala qurylysyn baqylaý basqarmasy trolleıbýs jelisin jóndeý kezinde jiberilgen kemshilikterdi anyqtady.
«Tekserý nátıjesi boıynsha «EC ENERGY Qazaqstan» JShS jumys barysynda zań talaptaryn buzǵany belgili boldy. Atap aıtqanda, jobadan aýytqý, transheıany toltyrý tehnologııasyn durys qoldanbaý, jóndeý jumysy kezinde qorshaýdyń bolmaýy jáne qaýipsizdik sharasynyń saqtalmaýy», - dep habarlady basqarmadan.
Munyń bári kóshelerdegi kólikterdiń júrýine kedergi keltirip, azamattardyń narazylyǵyn týdyrdy.
«Almaty qalasynyń Qala qurylysyn baqylaý departamenti merdigerge qatysty QR Ákimshilik quqyq buzýshylyq týraly kodeksiniń 312-baby 1, 309-bóligi boıynsha shara qoldandy»,– dep atap ótti basqarmadaǵylar.
Basqarma merdiger qaıtadan zań buzsa, lıtsenzııadan aıyryratynyn eskertti. Jańartylǵan jeliniń jalpy uzyndyǵy 128 shaqyrym.
