Almatyda trolleıbýs jelisi úzilip ketip, úsh kólikti qıratty
ALMATY. QazAqparat - Almatyda Abylaı han kóshesinde trolleıbýs jelisi úzilip ketip úsh kólikti qıratty, dep habarlaıdy QazAqparat tilshisi oqıǵa ornynan.
Úzilgen symdar Qurmanǵazy men Qabanbaı kósheleriniń arasynda jerde jatyr.
Mystan jasalǵan jeli 5 kólikti zaqymdaǵan. Onyń ishinde 3 kóliktiń terezesi, bamperi qıraǵan.
Oqys oqıǵaǵa baılanysty «Almatyelektrotrans» JShS dırektory Baýyrjan Kýlıshev túsinikteme berdi.
«Qalanyń bári qazylyp tastaǵan soń trolleıbs jelilerin ýaqytsha jelige aýystyrǵan edik. Ýaqytsha bekitkishter álsiz. Qazir aýa temperatýrasy 25 gradýstan assa jeliler qyzyp, úzilip ketedi. Ala jazdaı 10 ret osyndaı jaǵdaı boldy. Bul qalypty jaǵdaı», - dedi B.Kýlıshev.
Onyń aıtýynsha, arnaıy qyzmet ókilderi 30 mınýt ishinde
aqaýly symdy jóndep, jelini qalpyna keltiredi.
Al qıraǵan kólikterdiń shyǵynyn JShS ókilderi MAI qyzmetkerleriniń arnaıy sheshiminen soń ǵana óteıtin bolady.
