Almatyda trolleıbýs jelilerin jańartý 2021 jyldyń aıaǵynda aıaqtalady
ALMATY. QazAqparat - Almatyda qoldanystaǵy trolleıbýs jelilerin jańartý josparlanýda. Bul jumystar 2021 jyldyń aıaǵynda aıaqtalady, dep habarlaıdy QazAqparat tilshisi.
« Almatydaǵy trolleıbýs jelilerin jańǵyrtýdy josparlap otyrmyz. Bıyl biz qajetti materıaldardy satyp alamyz. Aldyn ala bárin daıyndap qoıamyz, sonda kelesi jyly jumys josparǵa sáıkes júredi. 2021 jyldyń sońyna deıin jelilerdi jańartý jumystary tolyqtaı júzege asyrylady», - dedi «AlmatyElektroTrans » JShS bas dırektory Ǵanı Tájıev baspasóz máslıhatynda.
Jobanyń jalpy quny - 9,6 mlrd teńge. Spıkerdiń aıtýynsha, jelini jóndeý jumystary túnde júrgiziletin bolǵandyqtan trolleıbýstardyń qozǵalysyna áser etpeıdi.
Qazir Almatyda 195 trolleıbýs bar.
