Almatyda trolleıbýs symy ilip ketken jigittiń jaǵdaıy jaqsaryp keledi
ALMATY. QazAqparat - Almaty kóshesinde baǵdarsham jóndeımin dep toqqa túsken 23 jastaǵy jigittiń jaǵdaıy jaqsaryp keledi. Onyń palataǵa aýystyrylǵanyn qaladaǵy ortalyq klınıkalyq aýrýhanadan málimdedi, dep habarlaıdy QazAqparat tilshisi.
«Ol jansaqtaý bóliminde bir kún jatty. Naýqasqa emdik protsedýralar jasalǵannan keıin jaǵdaıy jaqsardy. Sosyn travmatologııa bólimine aýystyrdyq. Tek denesinde qulaǵan kezde alǵan jaraqat izderi qalǵan. Apta sońyna deıin ony úıine shyǵaramyz», - dedi aýrýhanadan.
Eske sala ketsek, 1 maýsym kúni Abaı men Manas kósheleriniń qıylysynda 23 jastaǵy jigit baǵdarsham baǵanyna minip, jumys istep jatqan. Sol kezde kommýnaldyq qyzmet jumysshysy ótip bara jatqan trolleıbýs symyna ilinip qalyp, ony qatty toq soqqan edi. Jaraqat alǵan jigit qaladaǵy ortalyq klınıkalyq aýrýhananyń jansaqtaý bólimine túsken.
