Almatyda trolleıbýs pen avtobýs soqtyǵysty
ALMATY. QazAqparat - Almatyda ara qashyqtyqty saqtamaý saldarynan avtobýs pen trolleıbýs soqtyǵysty, dep habarlaıdy QazAqparat tilshisi.
Jol apaty búgin saǵat 14:20 shamasynda Jandosov kóshesi boıynda boldy. Bul týraly Almaty qalalyq polıtsııa departamentiniń Anyqtaý basqarmasynyń bastyǵy Oljas Sháripov habarlady.
«Yutong» markaly avtobýstyń júrgizýshisi Jandosov kóshesimen batys baǵytta kele jatyp, ara qashyqtyqty saqtamaý saldarynan aldyda kele jatqan trolleıbýsty soǵady. Jol apaty nátıjesinde avtobýs jolaýshysy 2002 jyly týǵan qyz dene jaraqatyn aldy. Ol medıtsınalyq kómekke júgindi»,- dedi Oljas Sháripov.
Atalǵan materıal Áýezov aýdandyq polıtsııa basqarmasy óndiriske qabyldady.
Eske salaıyq, buǵan deıin Almatyda eki avtobýs soqtyǵysqan bolatyn.
Jol apaty saldarynan 1 adam kóz jumyp, 15 adam zardap shekti.
Sondaı-aq búgin Almaty qalasynyń ákimdigi kólik júrgizýshilerin apattar qaýpiniń joǵarylaýyna baılanysty jyldamdyqty tómendetýge, avtokólikter arasyndaǵy qashyqtyqty arttyrýǵa, manevr jasaýdan aýlaq bolýǵa shaqyrdy. Jaıaý júrginshilerden trotýarlarda júrgende abaı bolýdy, shuǵyl qajettiliksiz úıden shyqpaýdy suraǵan bolatyn.
