Almatyda trolleıbýs órtenip kete jazdady
ALMATY. QazAqparat – Almatyda tehnıkalyq aqaý saldarynan trolleıbýsten tútin shyqty, dep habarlaıdy QazAqparat tilshisi.
Tútindep jatqan trolleıbýstyń vıdeosy áleýmettik jelide tarady.
«Almatyelektrotrans» JShS baspasóz qyzmetiniń málimetinshe, Abaı kóshesi boıymen Saın kóshesine jetpegen tusta, tehnıkalyq aqaý saldarynan trolleıbýstan tútin shyǵý jaǵdaıy oryn aldy.
«21 maýsym kúni saǵat 13:35-te Abaı kóshesiniń Saın kóshesine jetpegen tusynda, 25 marshrýtty trolleıbýs jumysynda aqaý boldy. Nátıjesinde tútin shyqty. Trolleıbýs zaqymdalmady jáne zardap shekkender joq»,- dep habarlady «Almatyelektrotrans» JShS baspasóz qyzmeti.
