Almatyda trolleıbýs boıjetkendi qaǵyp ketti
ALMATY. QazAqparat - Almatyda joldan ótip bara jatqan stýdent qyzdy trolleıbýs qaǵyp ketti, dep habarlaıdy QazAqparat tilshisi oqıǵa ornynan.
Jol apaty Gogol kóshesiniń boıynda bolǵan. Shyǵysqa baǵyt alǵan №1 trolleıbýs Seıfýllın kóshesine jetpeı jaıaý júrginshi jolynan ótip bara jatqan stýdent qyzdy qaǵyp ketken.
Boıjetken trolleıbýstiń aldyńǵy terezesine basymen soǵylǵan. Soqqydan trolleıbýstiń terezesi synǵan. Oqıǵa ornyna jetken jedel járdem boıjetkendi aýrýhanaǵa alyp ketti.
Oqıǵanyń mán-jaıyn polıtsııa anyqtap jatyr.
