Almatyda trıatlonnan QR chempıonatynyń ótýine oraı birneshe kóshe jabylady
ALMATY. QazAqparat – Almatyda trıatlonnan QR chempıonatynyń ótýine baılanysty birneshe kóshe jabylady, dep habarlaıdy QazAqparat tilshisi.
Almaty ákimdigi men Almaty trıatlon federatsııasy 12-13 kúnderi trıatlonnan el chempıonatynyń ótýine baılanysty Saıran kóli mańyndaǵy birneshe kóshe ýaqytsha jabylatynyn málim etti.
12 maýsym kúni saǵat 7.00-den 16.00 aralyǵynda Tóle bı kóshesiniń Ótegen batyr men Tilendıev kóshesi (ońtústigi) aralyǵyndaǵy qozǵalys avtokólik úshin shekteledi. Kólikter joldyń tek soltústik jaǵymen júre alady.
Al, Ótegen batyr kóshesiniń Tólebıden Qýanyshbaev kóshesine deıingi aralyǵy túgeldeı jabylady.
13 maýsym kúni saǵat 8.00-den 12.00 aralyǵynda Tóle bı kóshesiniń Ótegen batyr men Tilendıev kóshesi (ońtústigi) aralyǵynda qozǵalys avtokólik úshin shekteledi. Kólikter tek soltústik jaǵymen júre alady.
Ótegen batyr kóshesiniń boıy Tóle bıden Qýanyshbaev kóshesine deıingi aralyqta eki jolaqta túgeldeı jabylady.
«Trıatlonnan QR chempıonaty Almatyda jyl saıyn ótedi. Oǵan bizdiń azamattar ǵana emes, sheteldikter jáne Ortalyq Azııa sportshylary qatysady. Mundaı aýqymdy shara kezinde kósheni jabý álemdik tájirıbede bar. Biz kólik qozǵalysyn qıyndatpaý úshin jarys alańyn kishireıtip, kósheni jabý ýaqytyn azaıtýǵa tyrystyq. Buǵan turǵyndar túsinistikpen qaraıdy degen oıdamyz», -delingen uıymdastyrýshylar taratqan málimette.
