Almatyda trıatlonnan Azııa kýbogy ótetin kúnderi birneshe kóshe jabylady
ALMATY. QazAqparat - Almatyda trıatlonnan Azııa kýbogy ótetin kúnderi, jarys ótetin aımaq, ıaǵnı Saıran kóliniń mańyndaǵy joldar jabylady, dep habarlaıdy QazAqparat tilshisi.
Almaty qalasynyń ákimdigi men Almaty trıatlon federatsııasy jarys kezinde joldardyń bir bóligi jabylatyndyǵy týraly habar taratty.
2019 jyly 2 - 4 tamyz aralyǵynda Azııa trıatlon kýbogy aıasynda jarystyń velosıped kezeńi ótý aıasynda kólikterge arnalǵan joldyń qozǵalysy jartylaı jabylady.
2 tamyz kúni jattyǵý ýaqytynda 14.00-den 14.45-ke deıin tómendegi kóshelerdegi qozǵalys jabyq bolady:
Tóle bı kóshesiniń boıymen qozǵalý (ońtústik jaǵy) N. Tilendıev kóshesinen bastap Ótegen batyr kóshesine deıin.Joldyń soltústik jaǵy tolyǵymen qozǵalys úshin bos bolady.
Ótegen batyr kóshesi boıymen qozǵalý Tóle bı kóshesinen bastap Qýanyshbaev kóshesine deıin. Barlyq baǵyttaǵy joldar tolyǵymen jabylady.
3 tamyz jarys kúni 06.30-dan 13.00-ge deıin tómendegi baǵyttaǵy kósheler jabylady:
Tóle bı kóshesiniń boıymen qozǵalý (ońtústik jaǵy) N. Tilendıev kóshesinen bastap Ótegen batyr kóshesine deıin. Joldyń soltústik jaǵy tolyǵymen qozǵalys úshin bos bolady.
Ótegen batyr kóshesi boıymen qozǵalý Tóle bı kóshesinen bastap Qýanyshbaev kóshesine deıin. Barlyq baǵyttaǵy joldar tolyǵymen jabylady.
4 tamyz baıqaý kezinde saǵat 06.30-dan 15.00-ge deıin tómendegi kóshelerde buǵattaýlar bolady:
Tóle bı kóshesiniń boıymen qozǵalý (ońtústik jaǵy) N. Tilendıev kóshesinen bastap Ótegen batyr kóshesine deıin. Joldyń soltústik jaǵy tolyǵymen qozǵalys úshin bos bolady.
Ótegen batyr kóshesi boıymen qozǵalý Tóle bı kóshesinen bastap Abaı kóshesine deıin. Barlyq baǵyttaǵy joldar tolyǵymen jabylady.
Abaı dańǵylyndaǵy kólik qozǵalysy (soltústik jaǵy) Ótegen batyr kóshesinen bastap Saın kóshesine deıin.Ońtústik jaǵy qozǵalys úshin bos bolady.
«Almatyda trıatlonnan Azııa kýbogy men QR chempıonaty osymen ekinshi ret ótkizilip otyr. Qatysýshylardyń arasynda jerlesterimiz qatar, álemniń 20-dan astam elderiniń sportshylary bar. Biz kólik qozǵalysyna kedergi bolmas úshin joldardy jabý aýmaǵy men ýaqytyn barynsha azaıtýǵa tyrysamyz», - dep habarlady sharany uıymdastyrýshylar.
