Almatyda trıatlonnan Azııa kýbogy ótedi
ALMATY. QazAqparat - Almatyda 2019 jyldyń 3-4 tamyzynda tıratlonnan halyqaralyq ASTC Asian Cup ASTC týrnıri ótedi. Oǵan kásibı jáne áýesqoı sportshylar qatysa alady, dep habarlaıdy QazAqparat tilshisi.
Dúbirli doda 3 tamyzda Saıran kólinde bastalady. Oǵan Azııa men álemniń 40-tan astam elinen 130 kásibı trıatlet qatysady.
ASTC Asian Cup - kýbogin Azııalyq konfederatsııa men trıatlonnyń halyqaralyq odaǵy (ASTC) uıymdastyryp jatyr. Jarysqa Elite kategorııasy bar barlyq sportshy qatysa alady. 4 tamyzda qyzyǵýshylyq tanytqan 18 jastan joǵary AGE kategorııaly sportshylar arasynda chempıonat bastalady. Olar búginnen bastap myna saıtqa tirkele alady.
Sonymen qatar, Age Group kategorııasyna komandamen ótýge ruqsat etilgen. Top eki nemese úsh adamnan quralady.
«Taǵy bir aıta keterligi, jarysqa qatysýshylar sanyna shekteý qoıylǵan. Jarysta 220 atlet pen 30 komanda baq synaıdy», - dedi Almaty trıatlon federatsııasynyń atqarýshy dırektory Rýslan Kogaı.
Asian Cup týrnırinde kásibı sportshylar 1500 metr júzip, velosıpedpen 20 shaqyrym, 5 shaqyrym júgirip jaryspaq. Al áýesqoılar aldymen 750 metr qashyqtyqty júzip, velosıpedpen 40 shaqyrym, ary qaraı 10 shaqyrymdy júgirip ótýi tıis.
Áýesqoı trıatlon sharttarymen resmı saıtta tanysýǵa bolady. Tolyq aqparat jarys jaqyndaǵanda jarııalanady.
Trıatlon - úsh kezeńnen turatyn ózindik erekshelgi bar sport túri. Trıatlon 2000 jyldan beri Olımpıa oıyndarynyń baǵdarlamasyna engizilgen. Bul sport túri Qazaqstannyń barlyq aımaǵynda qarqyndy damyp keledi. 2019 jyly 18 respýblıkalyq jáne halyqaralyq dárejede túrli jarystar ótkizý josparlanyp otyr.
