Almatyda trıatlonnan áýesqoılar arasynda týrnır ótedi

Qazaqstannyń áýesqoı trıatlon boıynsha Federatsııasynyń prezıdenti Murathan Tokmadıdiń aıtýynsha, bul jarysta júzden astam adam sporttyń úsh túri boıynsha, ıaǵnı sýda júzý (500 m), júgirý (3 shaq.) jáne velojarys (10 shaq.) boıynsha úzilissiz jarysatyn bolady.

«Qazirgi tańda trıatlonnan jarystar búkil álemde tanymal bolyp keledi. Mundaı jarystardy ótkizýdegi basty maqsat - salamatty ómir saltyn nasıhattaý jáne buqaralyq sportty damytý», - dedi M. Tokmadı.

Trıatlonnan Dúnıejúzilik trıatlon korporatsııasynyń Ironman júldesin ıelengen Ánel Sydyqovanyń aıtýynsha, trıtlon boıynsha jarystar týrızmdi damytýǵa da septigin tıgizedi. Óıtkeni, oǵan qatysýǵa jáne tamashalaýǵa myńdaǵan adam keledi. «Trıatlonmen aınalysý kóp shyǵyndy talap etpeıdi. Eń bastysy ynta-yqylas bolsa jetkilikti. Men ózim úsh balanyń anasymen. Kásipqoı sportshy da emespin. Biraq trıatlonmen aınalysý maǵan erekshe unaıdy. Óıtkeni, ózińdi jeńý, qıyndyqtarǵa shydaı bilý - janyńa qashanda erekshe sergektik syılaıdy. Sondyqtan, barsha jurtshylyqty salamatty ómir saltyn ustanýǵa shaqyramyn» - dedi ol.