Almatyda trıatlonnan ashyq birinshiliktiń jeńimpazdary anyqtaldy
ALMATY. QazAqparat - Almatyda trıatlonnan ótken «Indoor Trıatlon-2015» ashyq birinshiliginiń jeńimpazdary belgili boldy. Oǵan qatysýshylar 500 metrlik qashyqtyqqa sýda júzip, 20 shaqyrymǵa velosıpedpen jarysyp, 5 shaqyrymǵa júgirip baq synasty.
Kópsaıystan álem Kýbogynyń eki dúrkin qola júldegeri (1995 jáne 1997 jj.), kópsaıystan Álem birinshiliginiń qola júldegeri, kópsaıystan jáne trıatlonnan Qazaqstannyń birneshe dúrkin chempıony Pavel Artıýshenko jarystyń bas tóreshisi boldy.
Sondaı-aq básekelerge qatysýshy árbir sportshyǵa bir-bir tóreshiden bekitildi.
Osymen úshinshi ret uıymdastyrylyp otyrǵan chempıonat bul joly jabyq zalda ótti. Jarystyń barlyq úsh kezeńi úzilissiz, birinen soń biri ótkizildi. Oǵan 13 adamnan úsh topqa bólingen barlyǵy 39 adam qatysty.
Birinshi top barlyq qashyqtyqta jaqsy kórsetkishke qol jetkizdi. Ekinshi topta qyrǵyzstandyq trıatletter de óner kórsetti. Úshinshi topta qyzdar men trıatlon mektepteriniń músheleri qatysty. Sonymen, 18-30 jas aralyǵy boıynsha Roman Shabelıanov, 31-40 jas aralyǵynda Baqtııar Mamyrov, 41-50 jas aralyǵynda Dáýren Blıev jáne 51 jastan joǵarylar arasynda 68 jastaǵy Marat Baltabaev chempıon atandy.
Kúmis medalǵa ıe bolǵandar: 18-30 jas aralyǵy boıynsha - Dármen Qusmanov, 31-40 jas aralyǵy boıynsha - ıÝrıı Lavrınov, 41-50 jas aralyǵy boıynsha - Sergeı Nezabýdeı.
Qola medaldardy 18-30 jas aralyǵy boıynsha Álısher Qojanazarov, 31-40 jas aralyǵy boıynsha Nurbek Jumabekov jáne 41-50 jas aralyǵy boıynsha Konstantın Dýdın ıelendi.
«Trıatlon boljap bolmaıtyn sport túri. Sýda júzip ese jiberip alsań, velosıpedpen jarysý arqyly qaıtadan kósh basyna shyǵýǵa bolady. Sondyqtan munda sporttyń úsh túrin óte jaqsy meńgerý qajet. Bul tek tózimdi adamdarǵa arnalǵan sport túri. Búgingi jarysqa ár túrli jastaǵy áýesqoı jáne kásipqoı trıatlonshylar qatysty», - dedi «World Class Almaty» fıtnes-klýbynyń dırektory Saltanat Qazybaeva.
