Almatyda trıatlonnan ashyq birinshilik ótkiziledi
ALMATY. QazAqparat- Almatyda ústimizdegi jyldyń 20-shy jeltoqsanynda trıatlonnan «Indoor Trıatlon 2015» ashyq birinshiligi ótkiziledi. Oǵan qatysýshylar 500 metrlik qashyqtyqqa sýda júzedi, 20 shaqyrymǵa velosıpedpen jarysady jáne 5 shaqyrymǵa júgirip jarysady.
Osymen úshinshi ret uıymdastyrylyp otyrǵan chempıonat bul joly jabyq zalda ótedi. Jarystyń barlyq úsh kezeńi úzilissiz, birinen-soń biri ótkiziletin bolady. Oǵan barlyǵy 50 adam qatysady dep kútilýde. Bıylǵy birishilikke qyrǵyzstandyq sportshylar qatysýǵa nıet bildirip otyr.
«Trıatlon Qazaqstanda barǵan saıyn tanymal bola túsýde. Bul óte tózimdi adamdarǵa arnalǵan sport túri. Trıatlonda seniń velosıpedshi, jelaıaq nemese júzgish ekeniń mańyzdy emes. Bul jerde sen trıatletsiń. ıAǵnı, jeńiske jetýiń úshin úsheýinde birdeı úzdik bolýyń kerek», - dedi «World Class Almaty» fıtnes-klýbynyń dırektory Saltanat Qazybaeva.
Jarysqa qatysýshylar úsh topqa bólinip jarysady. Olar 18-30, 31-40 jáne 41-50 jas sanattary boıynsha baq synasady. Jeńimpazdar erler men áıelder arasynda jas erekshelikterine baılanysty jiktelgen toptar boıynsha absolıýtti birinshilikte anyqtalady.
Jarys 20 jeltoqsan kúni tańǵy saǵat 09:00-de «World Class Almaty» fıtnes-klýbynda bastalady.
Biinshilikti uıymdastyrýshy uıymdar - «World Class Almaty» fıtnes-klýby men Almaty Marafony.
