Almatyda «Trevel Ekspress» JShS ınkassatorlaryna jasalǵan shabýyldy ashýǵa yqpal etken kýáger marapattaldy
ALMATY. 9 qarasha. QazAqparat - Búgin Almatyda qalalyq ІІD ǵımaratynda óz áreketterimen asa aýyr qylmysty ashýǵa kómektesken batyl áıel saltanatty túrde marapattaldy.
Tatıana Vasılevaǵa Almaty ІІD bastyǵynyń orynbasary polıtsııa polkovnıgi Ǵazız Nurqaev óz qolymen alǵys hat, gúl jáne eskertkish syılyq tapsyrdy.
Qaraqshylardyń ınkassatorlarǵa shabýylynan keıin birneshe kún ótken soń óz úıiniń aýlasynan tapansha taýyp alǵan 57 jastaǵy Medeý aýdanynyń turǵyny T.Vasıleva dereý polıtsııaǵa habarlaǵan. Іz kesýshilerge áıel adam qarýdy taýyp alǵanǵa deıin úı qaqpasynyń aldynan eki er adamdy kórgenin aıtqan.
Jedel-tergeý tobynyń málimetterine qaraǵanda, kompanııa qyzmetkerleriniń biri dál osy tapanshamen óltirilgen. Bul zattaı aıǵaq shabýyl jasaǵandardy izdeýge, atalǵan qylmystyń ashylýyna yqpal etken.
