Almatyda «Tranzıt-TransKazahstan-2010» kórmesi ótip jatyr
ALMATY. Qyrkúıektiń 7-si. QazAqparat /Ádilet Musahaev/ - Búgin Almatyda Ortalyq Azııanyń kólik jáne logıstıka salasyndaǵy kólemdi ári bedeldi forýmy sanalatyn «Tranzıt-TransKazahstan» kórmesi ashyldy,
dep habarlaıdy QazAqparat.
Kólik keshenderiniń barlyq salasyn qamtıtyn atalmysh shara QR Kólik jáne kommýnıkatsııa mınıstrliginiń qoldaýymen ótýde. Kórmede Belarýs, Grýzııa, Qazaqstan, Latvııa, Lıtva, Reseı, Ýkraına jáne Shveıtsarııa elderinen 80 eksponent-kompanııa qatysyp jatyr.
Temirjol kóliginiń ınfrastrýktýrasyn elimizdiń ulttyq operatorlarymen qatar Ýkraına, Lıtva jáne latvııalyqtar da usynýda. Al teńiz kólikteri bóliminde Aqtaý, Potı, Rıga jáne Ventspıls porttary qatysýda. Sonymen qatar ár túrli júk tasymaldaý kóliktereniń jabdyqtary qoıylǵan.
Bul jylǵy kórmede de kólik salasyndaǵy mańyzdy suraqtar ózekti talqyǵa aınaldy. Osy aptada kólik taqyrybynda ótetin barlyq oqıǵalar men kezdesýlerde talqylanatyn suraqtar Eýrazııa halyqaralyq kólik keshenin damytý tóńireginde bolmaq.
