Almatyda transplantologııa máseleleri talqylandy
ASTANA. 28 qyrkúıek. QazAqparat - Transplantologııanyń jaǵdaıy qazirgi zamanda eldegi medıtsına jaǵdaıynyń basty kórsetkishi bolyp tabylady. Eldegi medıtsınanyń dárejesi adamnyń ishki aǵzalaryn almastyrý boıynsha sátti jasalǵan operatsııalar boıynsha baǵalanady.
Aǵzany almastyrý adam ómirin saqtaýǵa múmkindik beredi. Búgingi kúni medıtsına júrekti jáne ókpeni, baýyrdy jáne ót joldaryn, jińishke ishekti jáne t.b. aǵzalardy keshendi túrde almastyratyn dárejege jetti. Bul týraly A.N.Syzǵanov atyndaǵy Hırýrgııa ulttyq ǵylymı ortalyǵynda transplantologııa máselelerine arnalǵan baspasóz ortalyǵynda keleli áńgime boldy, dep habarlady QR Densaýlyq saqtaý mınıstrliginiń baspasóz qyzmeti.
Statıstıkalyq málimetter boıynsha, jylyna 1 mln. turǵynǵa shaqqanda 10 adam júrek almastyrýdy qajet etedi. Endeshe Qazaqstanda júrekti almastyrýǵa jylyna 150-160 adam muqtaj. Búgingi kúni respýblıka boıynsha baýyr almastyrýdy 1200-ge jýyq patsıent qajet etedi. Basqa da em qonbaıtyn júrek, ókpe, búırek, baýyr jáne ót joldarynyń aýyr dertine shaldyqqan 1000-2000 adam tolyqqandy ómir súrip, ómirdiń raqatyna bólene alady
Qazaqstanda alǵashqy baýyr almastyrý operatsııasy 2011 jylǵy 9 jeltoqsanda belorýstyq dárigerlermen birlesip, A.N.Syzǵanov atyndaǵy Hırýrgııa ulttyq ǵylymı ortalyǵynda jasaldy. 2012 jylǵy 28 shildede Japonııadan kelgen áriptestermen birlesip, ortalyqta ekinshi baýyr almastyrý operatsııasy atqaryldy. Eki kúnnen keıin, ıaǵnı 2012 jylǵy 30 shildede úshinshi baýyr almastyrý operatsııasy japondyq áriptesterdiń baqylaýymen tolyǵymen A.N.Syzǵanov atyndaǵy Hırýrgııa ulttyq ǵylymı ortalyǵynyń mamandary dáriger D.S.Toqsanbaevtyń jetekshiligimen jasady. 2012 jylǵy 25 tamyzda ortalyq mamandary tórtinshi baýyr almastyrý operatsııasyn sátti atqardy.
1978 jyldan beri A.N.Syzǵanov atyndaǵy Hırýrgııa ulttyq ǵylymı ortalyǵynda aǵzalar men tinderdi tranplanttanttaý bólimi jumys isteıdi. Sol kezden beri 600 astam donorlyq búırek almastyryldy.
Aǵymdaǵy jyldyń tamyz aıynda «Ulttyq ǵylymı kardıohırýrgııa ortalyǵy» AQ-da donorlyq júrekti tranplanttanttaý júrgizildi. Almatyda Pedıatrııa jáne balalar hırýrgııasy ulttyq ǵylymı ortalyǵynda jáne Astanada Ana men bala ulttyq ǵylymı ortalyǵynda kemik maıyn tranplanttanttaý operatsııalary sátti atqarylýda. Baýyrdy almastyryp salý operatsııalary elimizdiń úsh klınıkasynda jasalady: Astanada «Ulttyq medıtsınalyq holdıng» AQ, Almatyda «A.N.Syzǵanov atyndaǵy Hırýrgııa ǵylymı ortalyǵy» AQ jáne №7 qalalyq klınıkalyq aýrýhanada. 2012 jylǵy qyrkúıek aıynda Almatydaǵy №7 qalalyq klınıkalyq aýrýhanasynda alǵashqy ret bir týysqan donordan retsıpıentke bir kezeńde búırek jáne uıqybezdi tranplanttanttaý operatsııasy ótti.
Transplantatsııa salasy qoǵamnyń qatysýynsyz damymaıdy. Qazir týystyq tranplantatsııany damytýǵa erekshe kóńil bólinýde. Tıisinshe, ishki organdaryn tez arada aýystyrýdy qajet etetin aýyr naýqas adamdardyń ómirin týystary qutqara alady. Ol úshin nıet bildirgen kez-kelgen adam fenotıpin anyqtaý úshin ózi týraly málimetter men qan úlgisin Respýblıkalyq transfýzıologııa ǵylymı-óndiristik ortalyǵynda saqtaı alady. Fenotıpi sáıkes kelgen jaǵdaıda donor bola alady. Biraq kez-kelgen adam naqtyly patsıentke donor bola almaıdy.
Naýqastardy shetelderge emdeýge jiberý barysynda ýaqyt sozylyp ketedi. Sondyqtan, donor bolýǵa daıyn týystary bolsa, ondaǵan, júzdegen jáne myńdaǵan adamnyń ómirin saqtap qala alady. Qazaqstanda týysqandar ózderiniń aýyr naýqasqa dushar bolǵan jaqyndaryna donor bolyp, olarǵa ekinshi ómir syılaǵan jarqyn mysaldary bar.
Aǵzalardy almastyrý boıynsha jasalǵan operatsııalar Qazaqstan Respýblıkasynyń transplantologııasynyń damýyna qomaqty úles qosýda. Ol otandyq medıtsınanyń álemdegi básekege qabiletti densaýlyq saqtaý qyzmetteri qataryna kirýge múmkindik beredi.
