Almatyda transformator órtendi
ALMATY. QazAqparat – Almatyda transformatordan órt shyqty, dep habarlaıdy QazAqparat tilshisi.
Almaty qalalyq TJD habarlaýynsha, búgin túski saǵat 12:00 - de órt sóndirý bólimine Almaly aýdanynyń turǵynynan Abaı kóshesi 191 úıdiń janynda transformatordan órt shyqqany týraly habarlama kelip tústi.
«Transformatordyń maıy tógilgendikten odan órt tutanǵan. Órt sóndirýshiler elektr jelisiniń ajyratylǵannan keıin qyzyl jalyndy aýyzdyqtaýǵa kiristi. Qabyldanǵan sharalardyń nátıjesinde kórshi transformatorlyq qosalqy stantsııaǵa jáne ákimshilik keshenniń japsarlas ǵımaratyna kóshýine jol berilmedi»,- dedi TJD baspasóz qyzmeti
Órt 12 saǵat 34 mınýtta tolyǵymen sóndirildi. Qyzyl jalyn 6 sharshy metr aýmaqty sharpydy. Órtti sóndirýge 3 birlik tehnıka men 12 adam jumyldyryldy.
