Almatyda tramvaılar satylymǵa shyǵarylady
ALMATY. QaAqparat - Almatyda tramvaılar bássaýdaǵa qoıylatyn boldy, dep habarlaıdy QazAqparat tilshisi.
Elektrondy saýda 2018 jyldyń 19 qańtarynda ótedi. Satylymǵa 13 vagon shyǵarylady.
Tatra KT4D markaly tramvaı quramynyń satylatyny týraly habarlama Elektrondy saýda alańy saıtynda shyqty.
Bul tehnıka 2013 jyly Berlınde satyp alynǵan. Tramvaı vagondary 2015 jyly tramvaı deposy jabylǵanǵa deıin jolaýshy tasymaldady. «Almatyelektrotrans» JShS satyp alǵan 17 vagonnyń 13 -i bássaýda arqyly satylmaq.
Qosymsha qujattarda vagondardyń tehnıkalyq jaǵdaıy qanaǵattanarlyq dep kórsetilgen. Sarapshylardyń aıtýynsha, bul tehnıka paıdalanýǵa jaramdy.
Ár vagonnyń baǵalaý quny 103 510 000 teńgege belgilenip otyr.
Bássaýda baǵanyń tómendeýimen júredi.
«Bul saýda túrinde bastapqy baǵa tómendeı beredi. Birinshi kelisim bergen tulǵa satyp alýshy bolady», - delingen Elektrondy saýda alańynyń saıtynda.
Al qalalyq Jolaýshylar kóligi jáne avtomobıl joldary basqarmasy bul derekke qatysty túsinikteme bermedi.
